मन पर्दा आँखा गुलाफमा
मन न पर्दा आँखा काँडामा
एउटै नजर हेराइ फरक फरक
एउटै छ मन सोचाइ फरक फरक !
जब स्वार्थ पुर्ण भो माया व्युँझियो
अपेक्षा अधुरो घाउ बल्झियो
एउटै छ मन चाहना फरक फरक
एउटै छ मन सोचाइ फरक फरक !
पखेटा बिना नै उड्न खोज्ने
होश आँउदा धरती नै चाहिने
एउटै छ मन बहाना फरक फरक
एउटै छ मन बुझाइ फरक फरक !

गजल-संसार

सम्विधान सभाको नाटक पुन: मञ्चित भईरहेछ                                                                                      जन-अधिकारबाट जनता किन वन्चित भैरहेछ                                                                                           सत्ता शक्ति र कुर्सी सबैको एउटै इच्छा                                                                                                           देस जाओस भर्सेलोमा धन संचित भैरहेछ                                                                                                     नेताहरू जिउँदै सिनो सरी गन्हाए                                                                                                                 आत्मरतिमा अनुहार दुर्गन्धित भैरहेछ                                                                                                      कुन भ्रम पालेर कुन्नी रमाइरहेछौ "नव "                                                                                                     यहाँ इच्छा-आकांक्षा कुण्ठित भैरहेछ ।                                                                       

गजल

 संगै  हिंडने वाचा थियो हात किन दिन्नौ                                                                                                       उदास उदास देख्छु कतै विश्वास सकियो की ?                                                                                                कुन पापीले आँखा लायो कसले ढाँट्यो माँया                                                                                                    आँखा भरी आकास छैन आस सकियो की ?                                                                                                        झरी पछि खुलेको आकास देखिनौ की                                                                                                       ओंठ भरी हाँसो छैन हास सकियो की ?                                                                                                         एक्लो हुनुको पिडा संगै बस्दा देख्यौ की                                                                                                         माँया संग माँयाको आभास सकियो की ?